Takimi i zhvilluar me nismën e Zyrës së Këshillimit të Karrierës dhe Alumnit në UGJ u dha mundësinë studentëve të informohen mbi ofertat e punësimit.Përfaqësues të Agjencisë Kombëtare të Punësimit folën mbi specifikat e sistemit publik të shërbimeve të punësimit; programet e formimit profesional dhe programet e nxitjes së punësimit. Të pranishmit morën informacion për tregun e punës dhe statistikat e studentëve përfitues, duke u njohur konkretisht me raste suksesi të studentëve të UGJ të punësuar falë këtyre programeve.
